Біяграфічная стужка французскага коміка Керона пра ягонага бацьку - былога палітычнага актывіста Гібата Табіба. У пачатку 1970-х гг. Гібата, маладога адваката з беднай сям’і, засудзілі на 10 гадоў за антыманархісцкую дзейнасць у Іране. У турме Гібат публічна адмовіўся ад падарунку іранскага шаха вязням, за што яго некалькі месяцаў катавала турэмная адміністрацыя, каб маральна зламаць. Праз падпольную сувязь паміж вязнямі і вонкавым светам выпадак з Гібатам стаўся вядомы шырокай грамадскасці. Актывіста з паплечнікамі датэрмінова выпусцілі з турмы, а неўзабаве, у 1979-м, выбухнула доўгачаканая іранская рэвалюцыя. Праўда, неўзабаве на месца старой дыктатуры прыйшла новая, яшчэ больш лютая.