Уладальнік паштовай імперыі, каб навучыць розуму гультаяватага атожылка Джэспера, адпраўляе яго на крайнюю поўнач у горад Смірэнсбург. Той павінен арганізаваць там паштовае аддзяленне і за год апрацаваць не менш за 6000 лістоў. Прыбыўшы на месца, хлопец апыняецца ў зоне баявых дзеянняў: два сямейных клана, так ужо гістарычна склалася, сілкуюць узаемную нянавісць і свята шануюць шматвяковую традыцыю пры любой магчымасці мутузіць адзін аднаго і рабіць поскудзі.