Восем навэлаў, паяднаных толькі тым, што яны з'яўляюцца «снамі» рэжысёра. Сярод іх аповяд пра тое, як малады Курасава трапляе ў карціну Вінцэнта Ван Гога і сустракаецца там з самім аўтарам. Таксама аповяды пра ахвяр Другой сусветнай і пра апакаліптычныя карціны ядзерных войнаў і катастроф. У адной з навэл, якая апавядае пра лісінае вяселле, хатка, на фоне якой стаіць герой — маленькі хлопчык, з'яўляецца ўспамінам Курасавы пра хату, у якой ён жыў у дзяцінстве. Увесь фільм шмат у чым аўтабіяграфічны.