У фільме апавядаецца пра падарожжа Эспэна Аскеляда - Эспэна Дзьмухара-на-Вуглі, героя скандынаўскіх народных казак. Калі малое дзіця ў скандынаўскай сям’і было вельмі слабое, няздольнае да цяжкой побытавай працы, яго абавязкам было дзьмухаць на вуголле, каб падтрымліваць агонь у жытле. Такім у дзяцінстве быў Эспэн. Але, калі вырас, стаўся ладным і спрытным юнаком, і можа выбавіць караля і каралеву з бяды, што здарылася з імі ў дзень нарадзінаў прынцэсы. Адзіны ратунак - жывая вада, сабраная ў келіху, што стаіць у сутарэннях таямнічага Залатога замку Сур’я-Мур’я. Эспэн і прынцэса Крыстын выпраўляюцца на пошукі эліксіру.