Злая камедыя на матывы жыцця амерыканскай фігурысткі Тоні Гардынг, якая ў 90-х праславілася шэрагам недарэчнасцяў і мноствам скандалаў. Спачатку - цяжкое дзяцінства з жорсткай маці, затым - цяжкое юнацтва, ранні шлюб з прайдзісветам і няўдачы ў спаборніцтвах праз заніжаныя суддзямі адзнакі. А пасля здарыўся скандал: падчас рыхтавання да Алімпіяды план запужаць канкурэнтку даецца Тоні ў знакі.